Mario Rodríguez anunciou a súa renuncia como alcalde do Concello de Esgos no último Pleno municipal.
O alcalde saínte aproveitou para agradecer á veciñanza a súa colaboración durante os últimos 14 anos.
Mario Rodríguez renuncia á alcaldía de Esgos tras 14 anos
Rodríguez tamén deixa o seu cargo como concelleiro, aínda que sinalou que seguirá dispoñible para axudar a quen o precise, «pero sen ser Mario-Alcalde, só como Mario-Chisco«.
O vindeiro 6 de xuño celebrarase o Pleno no que José Antonio Blanco Pérez tomará posesión como novo alcalde de Esgos.
