O concello de Ourense coloca plantas decorativas de Nadal que se suman á instalación do alumeado para crear un ambiente adecuado para estas singulares festas.
Ourense coloca plantas decorativas de Nadal
A colocación de plantas ornamentais permitirá unha mellor imaxe da cidade de Ourense durante as próximas semanas. O concello está a colocar acivros ornamentais en distintos puntos da cidade mentres remata a instalación da iluminación de nadal.
Ademais de proceder á colocación de ornamentación, o concello está a preparar unha campaña de recollida de árbores ornamentais despois das festas de nadal. A cidadanía poderá entregar nun punto fixo aquelas árbores que poderían acabar no lixo. Desta forma, as plantas serán transplantadas no viveiro municipal.
