Desde o grupo municipal do BNG de Barbadás piden paralizar as obras previstas na localidade de Bentraces ó non atender ás demandas da poboación.
Estas obras que afectan ás rúas da Capela, do Canastro e Filgueiras, non son respectuosas co contorno histórico da zona segundo os veciños e veciñas.
Piden paralizar as obras de Bentraces
Desde o BNG de Barbadás solicitan ó grupo de goberno que «inicien os contactos necesarios coa veciñanza de Bentraces, para recoller e atender as súas demandas en relación a estas obras de mellora».
Entre as demandas realizadas pola poboación local están a posibilidade de empedrar as rúas e o soterramento do cableado. «Non queremos un simple lavado de cara; pedimos que se respecte o noso patrimonio e que se atenda ás necesidades reais da veciñanza».