Piden a rehabilitación da vella cadea de Ourense tras 38 anos de abandono para recuperar unha infraestrutura de gran importancia na cidade.
Membros do grupo municipal do BNG de Ourense solicitan que o goberno do concello solicite as axudas que ofrece o Estado para a conservación de bens inmobles do patrimonio histórico artístico.
Piden a rehabilitación da vella cadea tras 38 anos de abandono
Este programa de axudas forma parte do plan estatal que destina o 2% cultural e mantén aberto o prazo de presentación de solicitudes ata o 15 de outubro.
Entende o BNG que este edificio cumpre coas condicións que esixe esta convocatoria ó tratarse dun edificio con protección integral dentro dun espazo catalogado BIC e ser de titularidade pública. Entre os usos que podería ter este edificio estarían un aproveitamento termal ou un lugar de memoria ós represaliados que estiveron na cadea.