O Plan VEO supera xa as 1.100 persoas beneficiarias en Ourense, reforzando o compromiso do Goberno de España coa saúde visual da infancia.
O subdelegado do Goberno, Eladio Santos, destacou en Celanova o impacto deste programa durante unha visita á Óptica Anteollos.
O Plan VEO supera os 1.100 beneficiarios en Ourense
A iniciativa, impulsada polo Ministerio de Sanidade, permite financiar ata 100 euros anuais en sistemas de axuda visual para menores de 16 anos.
Na provincia hai 51 ópticas adheridas, mentres que Galicia lidera o acceso ao plan en España, con máis de 95.000 nenos e nenas beneficiarios. “O Goberno ponse ao carón das familias co financiamento dun gasto esencial”, subliñou Santos.
As axudas, dotadas con 48 millóns de euros, poden solicitarse ata o 31 de decembro de 2026 en establecementos participantes, contribuíndo tamén ao impulso do comercio local.
