Podemos Ourense esixe vivenda digna e servizos sociais efectivos e reclama unha xuntanza urxente co alcalde Gonzalo Pérez Jácome para abordar tamén a degradación do barrio da Ponte.
A formación morada advirte de alugueiros abusivos e dunha presión especulativa en aumento, agravadas pola falta dunha estratexia municipal que garanta un teito accesible ás familias máis vulnerables.
Podemos Ourense esixe vivenda digna e servizos
Servizos sociais baixo mínimos
Podemos asegura que o Concello reduciu de vinte e cinco a once profesionais as Unidades de Intervención Social desde 2021. Esta caída de persoal deixa sen cobertura áreas clave como Dependencia, Axuda no Fogar e a oficina do Casco Vello. Segundo Diéguez, “empurra centos de familias ao limbo asistencial”.
“Ourense non pode converterse nun parque temático para a especulación mentres milleiros de persoas temen perder o seu fogar; precisamos políticas valentes”, subliña o voceiro Francisco Diéguez.
Alerta no barrio da Ponte
A formación apunta á Ponte como “exemplo de discriminación territorial”, con problemas de convivencia, contaminación, inseguridade e espazos públicos deteriorados. “Se o alcalde só xestiona para parte da cidade, debe cuestionar para quen goberna”, critica o portavoz, que pide investimento urxente en infraestrutura e convivencia.
Reunión aberta á veciñanza
Podemos Ourense propón unha xuntanza pública, transparente e aberta aos colectivos sociais para establecer obxectivos medibles en vivenda, servizos sociais e recuperación do barrio da Ponte. “Queremos políticas centradas en dereitos, non en fotos”, conclúe Diéguez.
