Propoñen librar espazo na Estación Empalme para poder contar con superficie na que crear infraestruturas para a veciñanza de Ourense.
Xosé Manuel Puga, integrante da candidatura do BNG á alcaldía de Ourense, recordou que «insistimos na necesidade de que a nova praia de vías da Estación Empalme sexa construída ao carón da rúa Rio Arnoia, o que permitiría liberar algo máis de 100.000 metros cadrados da praia actual».
Propoñen liberar espazo na Estación Empalme
A liberación deste espazo permitiría desenvolver un Plan especial para esta zona. «Poderíamos construir neses terreos equipamentos públicos e dotacionais, amplas zonas verdes e instalacións deportivas nun barrio cunha forte presión urbanística e carente deste tipo de infraestruturas».
Asociada a esta iniciativa, o BNG de Ourense propón a «creación dun metro en superficie que facilite o desprazamento dos centos e centos de traballadores e traballadoras que cada día se desprazan desde a cidade ao Polígono de San Cibrao a traballar».