Ribeiro en Común presenta a súa candidatura no concello de Ribadavia para ser unha alternativa de goberno a partir das eleccións municipais do 28 de maio.
Brais Fidalgo e Paula Rodríguez son as dúas persoas que seguen á fronte deste partido que actualmente forma parte do goberno municipal en Ribadavia.
Ribeiro en Común presenta a súa candidatura en Ribadavia
«O goberno necesario para mellorar Ribadavia» é o lema co que se presentan ás eleccións recordando o traballo realizado e a necesidade de dar continuidade ós proxectos iniciados.
Os valores que destacan dende Ribeiro en Común para ter a confianza da veciñanza son a súa capacidade para organizar, xestionar, traballar en equipo e dialogar coa veciñanza.
Candidatura de Ribeiro en Común
O primeiro tramo da candidatura de Ribeiro en Común está formado por:
- 1. Brais Fidalgo. Portavoz do goberno municipal.
Licenciado en Ciencias Políticas e da Administración e Posgrao de Administración Local. É concelleiro en Ribadavia e portavoz do colectivo Ribeiro en Común desde maio de 2015. - 2. Paula Rodríguez. Vice- Alcaldesa de Ribadavia.
Licenciada en Ciencias Políticas e da Administración e Posgrao de Recursos Humanos. Participa de varios colectivos cidadáns ribadavienses, e na directiva dunha asociación decana na defensa do patrimonio natural. É concelleira en Ribadavia desde maio de 2019. - 3. César Touza.
Veciño de Francelos. Bombeiro forestal. Participativo no voluntariado cultural e deportivo ribadaviense. - 4. Luisa Fidalgo.
Psicóloga en activo da Xunta e implicada en varias asociacións de Ribadavia. - 5. Pepe Sotelo.
Veciño de Ribadavia e traballador autónomo. - 6. Miri Alfaro.
Veciña de San Cristovo, xubilada de banca. - 7. Hugo Álvarez.
Nacido en Santo André, reside en Prexigueiro. Realizou estudos en Dereito.