Luís Seara, candidato do BNG á alcaldía de Ourense, aposta por un novo PXOM para avanzar no proxecto transformador que presenta a súa candidatura.
Para o candidato nacionalista, o PXOM hai que «aprobalo canto antes e poder así desenvolver o Concello dos próximos 20 anos e ofrecer seguridade xurídica a todas aquelas persoas ou empresas que decidan investir en Ourense».
Seara aposta por un novo PXOM
Para Luís Seara, é preciso unha «nova exposición pública que permita á veciñanza no seu conxunto coñecer o documento actual e poder facer as achegas e alegacións que considere precisas».
O novo PXOM «ten que ser un documento que aposte pola sustentabilidade» no que se «aposte pola rehabilitación e non polo consumo de novo solo urbanizable pois o problema de Ourense non é a demanda de vivenda nova xa que temos perto de 17.000 vivendas baleiras».