Taboadela, a páxina de facebook, recomenda a lectura dun libro que para ela ten un significado especial con motivo do Día Internacional do Libro 2023.
Ourensenarede solicitoulle que nos recomendase un libro, explicase o que lle aportou e por que o recomenda.
Taboadela recomenda a lectura de…
“Jugadores de Billar” de José Avello Flórez (1943-2015)
É esta unha novela bastante descoñecida, unha novela que recupera unha maneira de escribir “moi literaria” que se vai comprobando segundo vanse pasando as páxinas e vaise vendo a maneira en que o autor expón as distintas tramas, como elabora os personaxes, os escenarios, a consistencia e elegancia do seu estilo.
No products found.
Este libro ambiéntase en Oviedo, igual que “La Regenta” de Alas Clarín, e conta as aventuras dun grupo de amigos, a finais do século XX, que se reúnen ao redor dunha mesa de billar no reservado dun bar de Oviedo que se chama café Mercurio.
A partir da relación que xorde entre eles vaise debuxando unha sociedade chea de conflitos, de triunfos e fracasos, unha sociedade plena de personaxes, de lugares e de historias. “Xogadores de billar” é unha novela complexa e, á vez, moi accesible, aceda, cun elegante e sutil sentido do humor que permite gozar do pracer da lectura, dun bo libro. Unha novela imprescindible.
