Unha manifestación convocada para mañá, xoves 5 de xuño, provocará cortes puntuais de tráfico en varias rúas do centro de Ourense.
O percorrido afectará a vías principais como Curros Enríquez, Paseo e Lamas Carvajal
Unha manifestación con percorrido polo centro provocará cortes de tráfico
A marcha comezará ás 19:00 horas na Avenida da Habana, xunto ao edificio administrativo da Xunta de Galicia, e discorrerá por Curros Enríquez, Parque San Lázaro, Paseo e Lamas Carvajal até rematar na Praza Maior.
As rúas incluídas no percorrido pecharanse de forma temporal ao paso da manifestación para garantir as marxes de seguridade esixidas. Segundo informou o dispositivo de tráfico, a medida que avance a mobilización as vías afectadas iranse reabrindo progresivamente á circulación.
Recoméndase á cidadanía que evite utilizar o vehículo privado na zona durante o transcurso da marcha e que opte, sempre que sexa posible, por rutas alternativas ou polo transporte público.
