Deportes

Varias rúas pechadas na Ponte por mor dunha carreira popular

Varias rúas estarán pechadas ó trafico na Ponte o domingo pola mañá por mor dunha carreira popular que forma parte do programa Correndo por Ourense.

O domingo, 25 de setembro, as rúas do barrio da Ponte serán testemuñas dunha proba deportiva que obrigará a realizar varios cortes de tráfico.

Varias rúas pechadas na Ponte por mor dunha carreira popular

A Policía Local de Ourense estableceu un dispositivo para pechar á circulación de vehículos en varias rúas a partir das 9:30h. Desde a organización solicitan ós veciños o uso de vías alternativas ó mesmo tempo que piden desculpas polas molestias ocasionadas.

Cortes de tráfico na Ponte

  • 8h – Peche do tramo Vicente Risco – Francisca Herrera para montaxe de infraestruturas
  • 9:30h – Prohibido o acceso ás rúas: Ribeira de Canedo, Ribeiriño, Basilio Álvarez, Avenida das Caldas, tramo inferior da avenida de Santiago e rúas interiores dese espazo.

Desvíos provisionais

A policía local establece dous desvíos provisionais para favorecer a circulación. Os vehículos que circulen pola Avenida de Santiago en sentido descendente poderán desviarse pola rúa Rei Souto. Os que circulen por Ático Noguerol poderán incorporarse á Avenida de Santiago en sentido ascendente.

Varias rúas pechadas na Ponte por mor dunha carreira popular

Horarios e percorrido da proba

Os horarios de Correndo por Ourense no barrio da Ponte son:

  • 11h – Categoría Pitufos
  • 11:05h – Categorías Benxamín e Alevín
  • 11:15h – Categorías Infantil e Cadete
  • 11:30h Categorías Xuvenil, Junior, Promesa, Senior e Máster.

O percorrido da carreira será:

  • Francisca Herrera (xunto ó 12 de Outubro)
  • Avda. de Santiago
  • Basilio Álvarez (ida e volta)
  • Avda das Caldas
  • J. Antonio Moretón
  • Ribeiriño
  • Avda das Caldas
  • mercado
  • Rosalía de Castro
  • Vicente Risco

Publicaciones relacionadas

Botón volver arriba