A décima edición da Vibomask, o festival internacional de mascaradas ibéricas, reunirá este ano participantes de toda España e Portugal os días 17 e 18 de abril en Viana do Bolo e Vilariño de Conso, respectivamente.
O evento converterase un ano máis nun escaparate das tradicións ancestrais vinculadas ás máscaras, con representacións únicas que manteñen viva a identidade cultural de diversas rexións.
Vibomask 2025 reunirá tradicións de máscaras de toda a Península
Ourense será, como sempre, o epicentro da festa, con máis de vinte representacións tradicionais da provincia, entre as que destacan os Bonitas de Sande e Cartelle, os Felos de Maceda, os Cigarróns de Verín, os Fulións de Buxán e os famosos Peliqueiros de Laza. Tamén estarán presentes figuras singulares como o toro e xigante de Celavente, as madamitas de Entrimo ou os Galos da Merca.
Desde o resto de Galicia chegan tradicións como o Entroido Ribeirao de Chantada ou os Xenerais da Ulla. O festival contará ademais coa participación de grupos doutras comunidades como os Zarramaches de Ávila, os Jarramplas de Cáceres ou os Diablos de Luzón (Guadalaxara). Desde o País Vasco achegarase o tradicional Carnaval de Zaldunodo.
Portugal estará representado polas máscaras típicas das rexións de Braganza, Viana do Castelo e Viseu, co recoñecido grupo dos Caretos de Lazarim como unha das grandes atraccións.
A Vibomask 2025 reafírmase así como unha cita imprescindible para a recuperación e posta en valor das mascaradas de inverno, nun evento que combina etnografía, festa e diversidade cultural nun ambiente único entre Galicia e Portugal.
Participantes Vibomask 2025
📍 Galicia — ESPAÑA
A Coruña
- Entroido de Samede (San Mamede, Paderne)
- Xenerais da Ulla (Concellos da comarca da Ulla)
Lugo
- Entroido Ribeirao (Santiago de Arriba, Chantada)
- Oso, criadas, madamas e danzantes (Salcedo, Pobra do Brollón)
Ourense
- Bonitas (Sande, Cartelle)
- Cabreiros (Muiños)
- Cigarróns (Verín)
- Entroido de Tameirón: chocalleiros, zamarrón, home de Prada, vellas, boi e a morte de Valdín
- Felos (Maceda)
- Felos e madamas (Esgos)
- Folións (Lobios)
- Fulión e máscaras de Buxán (Buxán, O Bolo)
- Fulión e máscaras da Mourela pra acá (A Veiga de Manzaneda)
- Fulións, boteiros e mula de Viana do Bolo (Viana do Bolo)
- Fulión e boteiros de Vilariño de Conso e aldeas (Vilariño de Conso)
- Galos (San Pedro da Mezquita, A Merca)
- Labardeiros e señoritas (Mugares, Toén)
- Madamitas e madamitos (Entrimo)
- Mácaras (A Xironda, Cualedro)
- Pantallas (Xinzo de Limia)
- Peliqueiros, parróns e vaca do entroido (Campobecerros, Castrelo do Val)
- Toro e xigante (Celavente, O Bolo)
- Troteiros (Bande)
- Vellarróns (Riós)
Pontevedra
- Currumchiños (Mos)
- Madamas e galáns (Cobres, Vilaboa)
- Merdeiros (Vigo)
ASTURIAS
- Sidros y Comedies (Valdesoto)
CANTABRIA
- Zamarrones de Los Carabeos (Valdeprado del Río)
CASTELA E LEÓN
- Antruejo de Carrizo de la Ribera (Carrizo de la Ribera, León)
- Atenzador (San Vicente de la Cabeza, Zamora)
- Carnaval de Piedralaves (Piedralaves, Ávila)
- Cucurrumachos (Navalosa, Ávila)
- La Obisparra (Pobladura de Aliste, Zamora)
- Las Toras (El Fresno, Ávila)
- Machurreros (Pedro Bernardo, Ávila)
- Máscaradas y madama (Pombriego, León)
- Tafarrón (Pozuelo de Tábara, Zamora)
- Talanqueiras y visparros (San Martín de Castañeda, Galende, Zamora)
- Zarramaches (Casavieja, Ávila)
CASTELA-A MANCHA
- Diablos y mascaritas (Luzón, Guadalajara)
EXTREMADURA
- Jarramplas (Piornal, Cáceres)
PAÍS VASCO
- Carnaval de Zaldunodo (Zaldunodo, Álava)
📍 PORTUGAL
Braganza
- Caretos de Arcas (Arcas, Macedo de Cavaleiros)
- Caretos de Parada (Parada de Infanções, Braganza)
Viana do Castelo
- Farrapogilheiros (Castro Laboreiro, Melgaço)
Viseu
- Caretos (Lazarim, Lamego)