O Concello de Ourense habilitará unha ampla zona peonil este sábado para facilitar o visionado do espectáculo de drons incluído na programación das Festas do Couto 2025.
A actividade está prevista para as 23.30 horas e poderá verse con total claridade desde a contorna da glorieta da Bola do Mundo, xunto ao Pavillón Municipal dos Remedios.
Zona peonil en Ourense para o espectáculo de drons do Couto
O espazo será pechado ao tráfico e inclúe a glorieta e treitos das rúas Pardo de Cela, Avilés de Taramancos, Lloréns Díaz e Antonio Puga. A organización recomenda achegarse a esta zona concreta, xa que desde outras rúas non será posible contemplar o espectáculo na súa totalidade.
Xunto ao espectáculo aéreo, a programación musical da fin de semana contará con cinco actuacións na rúa Dalí. Este xoves, ás 23.00 h, actuará o Combo Dominicano; o venres, 12, á mesma hora, Cuarta Calle; o sábado, o grupo Luar na Lubre tocará de 20.00 a 22.00 h, e a Orquestra Horizon the show animará a noite de 00.00 a 03.00 h. As festas pecharán o domingo 18 coa Orquestra Cinema.