Comeza a construción da senda peonil na N-120 ó seu paso por Ribadavia que permitirá mellorar a seguridade dos peóns neste tramo da estrada.
A alcaldesa de Ribadavia, Noelia Rodríguez Travieso, foi a encargada de anunciar o inicio dunhas obras que se atopan na primeira fase.
Comeza a construción da senda peonil na N-120 ó seu paso por Ribadavia
As primeiras actuacións estanse realizando no cruce de Franqueirán e teñen un custe de 50.000 euros dos 300.000 euros que custará o proxecto completo. «Queda acreditado que este goberno municipal traballa día a día por Ribadavia e por conseguir recursos para potenciar a nosa vila», destaca Noelia Rodríguez.
O tramo entre o cruce de Franqueirán e o da Torre é o que se ve afectado por esta primeira fase con máis de 100 metros de senda peonil.