O concello de Vilamarín queda sen piscina para os máis cativos ó ser inutilizado este espazo durante o verán de 2024.
O grupo municipal do BNG no concello de Vilamarín denuncia a situación que moitas familias se atoparon ó acudir ás piscinas municipais.
Vilamarín queda sen piscina para os cativos
«Foron moitos os pais e as nais que quedaron sorprendidas cando acudiron ao recinto e atoparon a piscina adicada ás nenas e aos nenos cuberta con terra, deixando únicamente a piscina grande como alternativa», indicou Breixo Fernández, voceiro municipal.
Esta situación supón para o BNG «un atranco máis para as familias de Vilamarín que ademais de ver como quedan sen atención pediátrica durante o verán, agora tamén quedan sen un espazo de lecer e esparcemento como é a piscina municipal».
Ante a problemática xurdida, desde o BNG rexistrarán varias iniciativas para «coñecer os motivos deste peche».