As festas patronais de Parada de Amoeiro regresan este 2025 con forza e un completo programa de actividades que se desenvolverán do 24 ao 26 de xullo en honra a Santiago Apóstolo e Santa Ana.
A celebración contará con actuacións musicais, misas solemnes, espectáculos para todas as idades e actividades deportivas.
Festas 2025 en Parada de Amoeiro na honra a Santiago e Santa Ana
As festas comezarán o xoves 24, coa lectura do pregón ás 20:00 h, seguido da primeira verbena a cargo do dúo Explosión e a orquestra Finisterre Tropical Tour, que promete animar a noite con ritmos bailables e ambiente festivo.
O venres 25, día grande na honra a Santiago Apóstolo, haberá misa solemne ás 12:00 h no campo da festa. Ás 12:30 h, o trío La Gozadera amenizará a sesión vermú. Pola tarde, a partir das 17:00 h, celebrarase un campionato de chave e tute. Ás 18:00 h terá lugar a actuación do Mago Fernando Moreno, pensada para cativos e maiores. A festa rematará cunha gran verbena a cargo da recoñecida orquestra Ipanema.
Parada de Amoeiro celebra as festas na honra a Santiago Apóstolo e Santa Ana con tres días cheos de música, verbena e tradición
O sábado 26, día de Santa Ana, repetirase a estrutura do día anterior con misa ás 12:00 h e sesión vermú con música disco ás 13:00 h. Pola tarde haberá xogos populares e unha festa infantil a partir das 17:00 h. A noite culminará cunha verbena encabezada polo grupo Gloss e o trío Los Camachuelos, complementados pola Chocolate Disco Móbil.
Parada de Amoeiro prepárase así para tres días de festa intensa, música e tradición, converténdose nun punto de encontro para veciños e visitantes.
