A Praza Maior, a Praza Bispo Cesáreo e a rúa do Progreso (Alameda) converteranse este 11 de novembro no epicentro da festa do Magosto en Ourense.
O Concello anunciou unha completa programación que combina o sabor das castañas asadas coa mellor música galega e unha gran verbena para celebrar o San Martiño.
Música e castañas protagonizan o Magosto do San Martiño en Ourense
A festa comezará ás 18:00 horas e prolongarase ata entrada a noite, ofrecendo unha proposta pensada para todos os públicos. O Magosto tradicional arrancará de forma simultánea na Praza Maior e na Alameda, onde o público poderá degustar gratuitamente as castañas asadas, mantendo viva unha das tradicións máis queridas do outono ourensán.
Ademais, haberá unha zona de venda de chourizo asado con bolo de masa nai, acompañado de auga ou viño, por un prezo simbólico de 3 euros. A oferta gastronómica complétase con pratos como callos e porco ao espeto, ideais para combater o frío de novembro.
A música tamén será protagonista. Entre as 18:00 e as 19:30 horas, a Praza Maior acollerá o concerto de Brañas Folk, que contará coa participación de Verónica Codesal, Pancho Álvarez, María Jorge e o grupo de gaiteiros De pé feito, coordinados por Gonzalo Abelairas.
A partir das 19:00 e ata as 22:00 horas, a rúa do Progreso (Alameda) transformarase nun gran recinto de festa coa Orquestra Olympus, encargada de poñer ritmo e diversión á noite do San Martiño coa súa espectacular verbena.
Un comentario