A Policía Local de Ourense realizou arredor de 80 controis de vehículos e condutores durante un dispositivo especial de alcoholemia, drogas e documentación desenvolvido na mañá do domingo na intersección da avenida da Habana coa rúa Curros Enríquez.
O operativo, no que participaron distintas unidades policiais, estivo activo entre as 08:05 e as 09:00 horas e permitiu comprobar o consumo de alcohol e drogas, así como a documentación dos vehículos e os permisos de condución.
A Policía Local denuncia oito condutores nun control de tráfico
Como resultado, formuláronse oito denuncias administrativas: dúas por alcoholemia positiva, dúas por incumprimentos da ITV, unha por conducir co permiso caducado, outra por non utilizar o cinto de seguridade, unha pola situación administrativa da titularidade dun vehículo e outra a un vehículo de mobilidade persoal por non estar inscrito no rexistro correspondente.
