Os novos radares instalados polo Concello de Ourense activaranse nas vindeiras horas, poñendo fin ao período de probas e iniciando a imposición de sancións a todas aquelas persoas que superen os límites establecidos.
O Concello instalou un total de nove cinemómetros, que levan varias semanas operativos en fase experimental en distintos puntos estratéxicos da cidade.
O Concello pon en marcha os novos radares de tráfico
Agora, coa súa entrada en funcionamento real, o executivo local pretende avanzar cara a unha mobilidade máis segura.
O goberno municipal fai un chamamento á colaboración cidadá para que a implantación destes dispositivos contribúa aos seus principais obxectivos: pacificar o tráfico, incrementar a seguridade viaria e previr accidentes nas rúas de Ourense.