A celebración do Magosto obrigará a cortar un treito da rúa do Progreso este mércores, 11 de novembro, desde as 13.30 horas.
A Policía Local activará un dispositivo especial que tamén terá en conta as mobilizacións convocadas pola folga xeral.
O Magosto provocará cortes de tráfico no centro de Ourense
Este corte afectará ao tramo comprendido entre o acceso á baixada da Praza de Abastos e a intersección coa rúa da Concordia. O transporte urbano procedente de Tras Alameda poderá desviarse cara a Xoán XXIII pola rúa Parada Justel ata as 17.30 horas, cando tamén se pechará este vial.
As restricións manteranse mentres duren as actividades festivas e ata que quede libre a vía.
Ademais, están previstas manifestacións e concentracións ás 10.00, 11.00 e 18.00 horas, que poderán provocar cortes puntuais, desvíos e retencións na glorieta de San Rosendo, Progreso, Xoán XXIII, Curros Enríquez e avenida da Habana.
