O Concello de Ourense incorpora cinco novos axentes ao corpo da Policía Local, fortalecendo así a seguridade cidadá e avanzando na execución da súa Oferta de Emprego Público.
O alcalde, Gonzalo Pérez Jácome, presidiu esta mañá o acto de toma de posesión dos efectivos, que chegan ao Concello mediante un concurso de mobilidade tras deixar os seus anteriores destinos.
Ourense incorpora cinco novos axentes á Policía Local
Con esta incorporación, o Goberno municipal continúa o proceso de reforzo da plantilla policial previsto para este exercicio.
A entrada destes profesionais responde ao procedemento establecido pola Lei 4/2007 do 20 de abril, que fixa que polo menos o 25% das prazas ofertadas deben cubrirse a través da mobilidade. As cinco prazas agora ocupadas, correspondentes a axentes xa en activo, intégranse nun conxunto de 20 prazas totais incluídas na actual Oferta de Emprego Público para a Policía Local de Ourense.
Desde o Concello destacan que este reforzo permitirá mellorar a presenza policial nos barrios e optimizar o funcionamento operativo do servizo.