O subdelegado do Goberno en Ourense, Eladio Santos, coordinou hoxe o dispositivo especial de seguridade para o Entroido 2026 de Verín, que involucra a Garda Civil, Policía Local e Protección Civil.
“Están organizados nun plan de especial eficacia para lograr un ano máis unhas festas seguras e divertidas”, destacou Santos.
Verín prepara un Entroido seguro con novo dispositivo de seguridade
Na Casa do Concello de Verín, Santos e o tenente de alcalde, Diego Lourenzo, copresidiron a Xunta Local de Seguridade ordinaria, na que se avaliou a situación da seguridade cidadá, os casos de violencia de xénero e o Plan Director para a Convivencia nos centros educativos, ademais de coordinar o dispositivo de seguridade do Entroido.
Participaron tamén Alida Iglesias, xefa da Unidade contra a Violencia sobre a Muller da Subdelegación do Goberno, así como representantes da Xunta, da Garda Civil, da Policía Local e de Protección Civil.
Tras analizar o dispositivo, o subdelegado animou á cidadanía a desfrutar das festas con responsabilidade e cumprindo as normas para garantir a normalidade. “O dispositivo está preparado e planificado, pero pedimos, como sempre, a colaboración cidadá”, engadiu.
