Verín Pádel Indoor entregou á Asociación Española Contra o Cancro (AECC) en Ourense a recadación obtida na cuarta edición do seu Torneo Solidario de Pádel.
A cantidade achegada ascende a 3.890,85 euros, que se destinarán a programas de apoio ás persoas con cancro e ás súas familias.
Verín Pádel Indoor doa 3.890 euros á AECC
O acto celebrouse nas instalacións do club coa participación de representantes da AECC, de Verín Pádel Indoor, das empresas patrocinadoras e das asociacións empresariais e hostaleiras da comarca.
Desde a AECC agradeceron o compromiso do club, que organiza esta iniciativa por cuarto ano consecutivo, así como a colaboración das empresas e do comercio local que contribuíron ao éxito do evento.
O torneo reuniu a numerosos participantes e concluíu cunha entrega de premios nun ambiente marcado pola solidariedade e a deportividade.
