O Centro Cultural Marcos Valcárcel acolleu a presentación de “A Virxe do Cristal: lenda, roubo, asasinato”.
Esta obra colectiva reivindica a memoria histórica e o valor simbólico desta figura para Celanova e a provincia de Ourense.
Presentan no Marcos Valcárcel o libro da Virxe do Cristal
No acto participaron o presidente da Deputación de Ourense, Luis Menor, o alcalde de Celanova e coordinador do proxecto, Antonio Puga, xunto ás críticas literarias Tareixa Taboada e Mercedes Gallego, e o autor e coordinador da obra, Xosé Manuel del Caño.
A publicación nace como resposta cultural ao asasinato do párroco Adolfo Enríquez e ao roubo da imaxe, feitos que marcaron fondamente á comunidade. O libro reúne creacións de máis de cincuenta autores e artistas.
