Afundación, a Obra Social de ABANCA, presenta os días 25 e 26 de marzo o espectáculo escolar «RRRedobra.
A sinfonía do cambio», do grupo Odaiko Percussion Group. A proposta está dirixida a estudantes de 3.º e 4.º de primaria e terá lugar no Auditorio Municipal de Ourense.
Afundación trae a Ourense o espectáculo escolar «RRRedobra. A sinfonía do cambio»
Realizaranse dous pases diarios, ás 10.00 e ás 12.00 horas, cunha asistencia prevista de máis de 2.300 escolares de 48 centros educativos de Ourense e arredores.
O espectáculo busca concienciar sobre a reutilización de materiais e a sustentabilidade a través da música. Os instrumentos utilizados están creados a partir de refugallos, como o botellófono, a batería de bidóns, o tecno tubo e a galesamba.
Esta iniciativa forma parte do compromiso de Afundación coa educación e a cultura, promovendo valores ambientais entre os máis pequenos.