A Asociación Española Contra o Cancro en Ourense continúa promovendo iniciativas centradas na divulgación científica e o fortalecemento do voluntariado na provincia.
Entre as próximas accións destaca a charla “A radioterapia do futuro”, que terá lugar o 27 de maio, ás 19:00 h, no Centro Cultural Marcos Valcárcel de Ourense.
A Asociación Contra o Cancro impulsa divulgación e voluntariado
A sesión será impartida por Yolanda Prezado, doutora no CiMUS. Explicará os avances e retos dunha radioterapia máis eficaz e segura para os pacientes oncolóxicos.
A entidade tamén desenvolveu recentemente actividades en Lobios e O Barco de Valdeorras para dar a coñecer os seus servizos e fomentar o voluntariado local.
En Lobios, a xerente Judit Vega reuniuse coa alcaldesa María del Carmen Yáñez para avanzar na creación dun novo grupo de voluntariado. Ademais, celebrouse unha charla informativa sobre os programas gratuítos da entidade.
No Barco de Valdeorras, Judit Vega participou nun encontro coa cidadanía xunto a Gloria Pérez e Jacqueline Rodríguez, no que explicaron os recursos de apoio a pacientes e familias.