Chegou o Nadal ó Pereiro de Aguiar cun atractivo programa de actividades pensado para fomentar a participación das familias.
O concello de Pereiro de Aguiar presenta un programa de actividades que ten como eixo principal a participación das familias nas distintas propostas.
Chegou o Nadal ó Pereiro de Aguiar
As festas de nadal teñen un significado especial, son festas nas que a familia ten un importante protagonismo. Nese espazo, o concello de Pereiro de Aguiar presenta un total de catro concursos para impulsar a participación de persoas de todas as idades.
Os concurso de Tarxetas de Nadal, Beléns, Decoración e Adornos de Nadal son acollidos con agarimo pola veciñanza. Numerosas persoas do concello están a participar nestes concurso onde a creatividade supón o ingrediente principal.
Para completar esta programación, o concello tamén organizou actividades de carácter social, musical e solidaria. No ámbito musical, Emilio Rúa será o encargado de ofrecer un concerto de nadal o 26 de decembro. Non faltará tampouco a tradicional visita dos personaxes tradicionais do nadal. Papá Noel e os Reis Magos visitarán Pereiro para ledicia dos máis pequenos.
Programa de Nadal no Pereiro
- 18 de decembro – Mercadillo Solidario
- 23 de decembro – Visita de Papá Noel
- 26 de decembro – Concerto de Emilio Rúa
- 28 de decembro – O arquivo do chivo (actividade familiar)
- 3 de xaneiro – Acuario (actividade familiar)
- 5 de xaneiro – Visita dos Reis Magos
