Denuncian a situación do servizo de pediatría na localidade de Ribadavia e no Ribeiro ó non dispor desta atención médica en determinadas datas.
Ribeiro en Común solicitou ó SERGAS no mes de decembro de 2022 un reforzo do servizo de pediatría en Ribadavia que presta atención a toda a comarca do Ribeiro.
Esta solicitude foi realizada de novo no mes de xaneiro de 2024 ó repetirse a ausencia de pediatras en numerosas datas. Neste mes de agosto de 2024, a veciñanza do Ribeiro ten que acudir en determinados días ó centro de saúde da Ponte ou o CHOU na cidade de Ourense para as urxencias.
Por este motivo, Ribeiro en Común reitera a súa petición ó SERGAS para reforzar este servizo para garantir que estean cubertos os servizos básicos.