O BNG denuncia as dificultades que están a atopar para acceder a informes municipais de Intervención e de Secretaría na Bola.
O contrato dun axente TIC é o asunto que levou ó BNG a solicitar información sobre o modelo de contratación.
Dificultades para acceder a informes municipais na Bola
Tras realizar unha solicitude sobre esta contratación o día seguinte de ser publicada a convocatoria no BOP, a alcaldía negou a información indicando que «non sabemos a motivación concreta e circunstancia do que se solicita».
Ante esta negativa, o BNG da Bola solicitou por segunda vez esta documentación que lle foi negada de novo. A portavoz nacionalista no concello, Vanessa García, indica que estas prácticas de obstrución son habituais por parte da alcaldesa.