A Valenzá xa ten listo o seu programa de festas de San Bernabé para este ano 2026.
O Concello de Barbadás colabora na organización duns festexos que se van celebrar os días 5, 6, 7 e 11 de xuño.
A Valenzá presenta o programa das festas de San Bernabé 2026
A programación inclúe grandes actuacións musicais, bandas tradicionais, sesións de picadiscos e actividades populares para todos os públicos.
Venres 5 de xuño: Arrancan as Festas da Valenzá
A música en directo vai inaugurar os festexos na xornada do venres. A partir das 23:30 horas, o público poderá gozar coas actuacións de Claxxon e de A Gramola Tour Truck, que poñerán o ritmo á primeira noite de verbena.
Sábado 6 de xuño: Bandas de música e Festa da Xuventude
O sábado contará cunha dobre cita musical diferenciada por horarios e estilos:
- 19:00 horas (T. Altamira): Concertos das bandas de música Xuvenil de Celanova, Cultural de Barbadás e Música de Verín.
- 23:30 horas: Gran Festa da Xuventude coa presenza de A Gramola Tour Truck. A música de baile correrá a cargo dos DJs Carlos Pintor, Alex G, Rubén Rey e Cristian RB.
Domingo 7 e xoves 11 de xuño: Ofeita musical e tradicións
A xornada do domingo estará protagonizada pola Orquesta Hugoband, que ofrecerá a súa actuación ás 21:00 horas.
Tras un breve descanso, as Festas da Valenzá van rematar o xoves 11 de xuño. A axenda final comezará ás 19:30 horas coa música do Duo D’3. Como broche de ouro, os asistentes poderán participar no popular Xogo da Pataca e degustar unha queimada tradicional.
