O Entroido de Ourense 2026 encheu esta tarde as rúas da cidade de cor, música e creatividade co tradicional desfile de comparsas e carrozas, un dos actos centrais destas festas de inverno.
Centos de persoas seguiron o percorrido para gozar dun espectáculo no que a imaxinación e o traballo colectivo volveron ser protagonistas.
O Entroido de Ourense 2026 premia as mellores comparsas e carrozas
O concurso organizado polo Concello recoñeceu o esforzo das agrupacións participantes, valorando aspectos como a orixinalidade, o vestiario, a posta en escena e a animación durante o desfile.
O xurado acordou outorgar os seguintes premios:
Comparsas con máis de 10 compoñentes
- 1º premio (1.500 €): Os parrandas do Irixo, Tania Gallego.
- 2º premio (1.000 €): Enxame da Auria, Asociación Cultural Os Lolailos.
- 3º premio (800 €): Guardianes del fuego, Asociación Cultural Os Arrieiros de Dacón.
- 4º premio (500 €):
- Poker premium, Diego Vázquez.
- Azucarados de Maside, Asociación Cultural Os Azucarados de Maside.
- Rollinds, Club Roller Ourense.
- De safari, Asociación Amigos de Partovia.
Comparsas con menos de 10 compoñentes
- 1º premio (500 €): Chapa-Chips Os dragóns da Ribeira Sacra, Nogueira de Ramuín.
Premios especiais comparsas
- A máis numerosa (500 €): Estilo Libre Bollywood, Escuela de danza Estilo Libre.
- A máis enxeñosa (500 €): Hagan juego, José Manuel Sousa.
Carrozas
- Mellor deseño, execución e posta en escena (1.000 €): Rexoubeiros Aladin, Asociación Os Rebouxeiros.
O desfile do Entroido de Ourense 2026 confirmou o alto nivel das agrupacións participantes e a implicación do tecido asociativo da cidade e da provincia, consolidando esta celebración como unha das citas festivas máis destacadas do calendario ourensán.
