O concello de Ribadavia, a través da Comisión do Plan Especial do Casco Histórico, autoriza a rehabilitación de dúas vivendas públicas.
Ribadavia autoriza a rehabilitación de dúas vivendas públicas
Os inmobles están situados na Praza de San Xoán nº3 e na Praza García Boente e foron adquiridos pola Consellaría de Medio Ambiente, Territorio e Vivenda a través do Programa Rexurbe pola cantidade de 238.000 euros.
Estas dúas vivendas públicas forman parte dos sete inmobles adquiridos polo IGVS no casco histórico de Ribadavia. As vivendas, unha vez rematados os proxectos de rehabilitación, serán adxudicadas en réxime de arrendamento.
