O concello de Ribadavia engalana os seus balcóns con motivo do I Concurso FlorAvia que terá lugar a finais do mes de xuño.
O primeiro concurso de decoración de balcóns que organiza o concello de Ribadavia celebrarase desde o 25 de xuño ata o 10 de xullo. Para poder participar no concurso, os interesados terán que realizar unha inscrición previa (entre o 6 e o 23 de xuño).
Ribadavia engalana os seus balcóns
Vivendas e establecementos comerciais e hostaleiros poderán participar neste concurso. A ornamentación estará situada nos balcóns, ventás, fachadas, portas ou portais cumprindo a condición de ser visibles desde a rúa.
Inscricións no concurso FlorAvia
A inscrición será mediante a sede electrónica do concello, correo electrónico (concursofloravia@ribadavia.es) ou no rexistro do concello.
Premios do concurso de decoración
- 1º premio – 100€
- 2º premio – 75€
- 3º premio – 50€
- 3 accésit de 25€ cada un