O concello de Ribadavia instala un novo sistema de iluminación no paseo fluvial do Río Ávia para cumprir cunha demanda da veciñanza.
Un tramo duns tres quilómetros separa a zona da Barca e o campo de fútbol de San Cristovo. Neste tramo, soamente tiña iluminación pública a ponte de San Francisco.
Ribadavia instala iluminación no paseo fluvial
O plan do goberno municipal para recuperar toda a zona do paseo fluvial suporá instalar un sistema público de iluminación que non existía ata o de agora. Esta zona viu incrementada a afluencia de veciños que recibirán con agrado o feito de dispor de boa iluminación.
Máis de 100 puntos de luz estarán instalados unha vez que rematen as obras. A nova iluminación permitirá gozar do paseo fluvial durante máis horas e contribúe a mellorar a seguridade dos viandantes. Esta nova instalación dará continuidade á política municipal de aforro enerxético ó contar con puntos de luz de baixo consumo.