O concello de Ribadavia organiza unha nova cata de viños polo 8M dirixida por Mercedes Embaixadora e que contará coa presenza de enólogas, colleiteiras e adegueiras do Ribeiro.
A muller ten un papel fundamental no sector vitivinícola e mediante actos coma este preténdese dar visibilidade á figura feminina.
Ribadavia organiza unha nova cata de viños polo 8M
Esta proposta comezou no ano 2018 e incorpora novos elementos en cada edición para mellorar a participación e calidade do evento. Baixo a dirección de Mercedes Embaixadora e a presenza da regueifeira Lupe Blanco, este acto terá lugar na Igrexa da Madalena o sábado, 11 de marzo, ás 18h.
