Desde o Concello e a entidade organizadora desta iniciativa solicitan axuda para os refuxiados que chegarán a Ribadavia a principios da semana que ven.
Está previsto que un autobús chegue a Ribadavia entre o luns 28 e o martes 29 de marzo con 9 mulleres e os seus fillos e fillas. Procedentes de Ucraína, foxen da guerra que asola o seu país.
Solicitan axuda para os refuxiados que chegarán a Ribadavia
Cented Team, en colaboración co Concello de Ribadavia, fai un chamamento para cubrir as principais necesidades destas familias. O seu aloxamento será no convento dos Franciscanos de Ribadavia pero para garantir unhas condicións adecuadas para adultos e menores é precisa a solidariedade dos veciños.
Na imaxe adxunta está recollida unha lista cos produtos máis necesarios nestes primeiros momentos. Electrodomésticos, louza, alimentos, xoguetes, roupa e produtos de hixiene forman parte desta petición solidaria.
A recollida das donacións será no mesmo convento dos Franciscanos de Ribadavia en horario de 11 a 13h e de 16 a 19h.