A Concellería de Mocidade de Barbadás organiza un Taller de Patinaxe Agresiva destinado a mozos e mozas de entre 9 e 17 anos. Esta iniciativa busca fomentar a práctica deportiva e o lecer activo entre a mocidade durante o verán.
A actividade será impartida polo club especializado Roller Ourense e desenvolverase no Skatepark da Valenzá.
Barbadás organiza un taller de patinaxe agresiva para mozos de 9 a 17 anos
Os participantes poderán escoller entre dúas xornadas independentes:
- martes 23 de xuño ou o xoves 25 de xuño, en ambos os casos en horario de 11:00 a 13:00 h.
Desde a organización lembran que será obrigatorio acudir con casco e protección completa para poder participar na actividade e garantir a seguridade de todos os asistentes.
O prazo de inscrición permanecerá aberto do 10 ao 19 de xuño, ou ata completar o número de prazas dispoñibles.
