GADISA Retail chega a Cea cun novo Claudio situado no número 19 da rúa Calvo Sotelo, proporcionando aos veciños desta localidade ourensá un servizo esencial de proximidade.
O supermercado conta cunha sala de vendas de 150 m², destacando especialmente a carnizaría Pajariño, moi coñecida na zona.
GADISA inaugura un Claudio en Cea con produtos locais
Tamén ofrece seccións de froitaría, panadería, chacinaría ao corte, así como droguería e artigos de hixiene. Os clientes dispoñen dunha variedade de 1.500 produtos.
Dinamización da contorna e emprego local
O novo Claudio xerou dous postos de traballo, reforzando a filosofía deste modelo de negocio de potenciar a dinamización socioeconómica da contorna e contribuír a afianzar poboación en municipios con poucos habitantes. O equipo humano da franquía supera os mil profesionais.
A atención personalizada e a proximidade cos clientes son sinais de identidade do modelo Claudio. O supermercado conta cun horario amplo. Abrirá de luns a venres de 9 a 14 e de 16.30 a 20 horas, e os sábados de 9 a 13.30 horas.
Na xornada de apertura, a propietaria do Claudio, Olalla Raposo, e Alejandro Pajariño acompañaron ao equipo de GADISA Retail, formado por Carlos González, delegado en Ourense; Miguel Freire, director de vendas de franquía; Sergio Trujillo, coordinador; e Benjamín Quintela, monitor de froitaría de franquía.