O delegado territorial da Xunta en Ourense, Manuel Pardo, reuniuse esta mañá co alcalde de Taboadela, Álvaro Vila.
A reunión serviu para analizar as principais necesidades do municipio nos ámbitos de competencia autonómica e avaliar posibles vías de colaboración institucional.
Xunta e Taboadela avalían vías de colaboración municipal
Durante o encontro, Manuel Pardo subliñou a relevancia da cooperación entre a Administración autonómica e a local como ferramenta clave para garantir servizos e dotacións que permitan equilibrar as condicións de vida e de traballo en todo o territorio.
Nesa liña, trasladoulle ao rexedor o compromiso da Xunta de traballar de forma conxunta no desenvolvemento de iniciativas orientadas a garantir o benestar dos veciños e veciñas de Taboadela.
A reunión permitiu poñer sobre a mesa distintas cuestións de interese para o municipio, co obxectivo de coordinar actuacións futuras que contribúan ao seu desenvolvemento e á mellora da calidade de vida da poboación, reforzando así a presenza e o apoio da Xunta de Galicia no ámbito local da provincia de Ourense.
