A Audiencia Nacional obriga a devolver 1,4 millóns de euros ao Concello de Ourense tras anular o reintegro dunha subvención para a Praza de Abastos.
O tribunal declara “non conforme a dereito” a resolución do Ministerio de Transportes que esixía a devolución de 1.435.265,66 euros, xa reintegrados, correspondentes ás obras de rehabilitación iniciadas en 2016.
A Audiencia Nacional obriga a devolver 1,4 millóns ao Concello de Ourense
A sentenza baséase na caducidade do procedemento, ao superarse o prazo legal de 12 meses para resolver. “É evidente que a Administración superou o prazo”, sinala o fallo.
O Ministerio deberá devolver a contía ao Concello e asumir as custas. A resolución é recorrible en casación.
