José Ramón Gómez Besteiro, candidato socialista á presidencia de Xunta de Galicia, pide en Celanova unha gran mobilización para favorecer o cambio.
Nun acto realizado ante uns 100 simpatizantes que compartiron un xantar-mitin con Besteiro, o candidato pediu «aproveitar as oportunidades» ante a próxima cita electoral.
Besteiro pide en Celanova unha gran mobilización
Carmen Dacosta, cabeza de lista por Ourense, Teresa Barge, tenente de alcalde de Celanova, e Rafael Rodríguez Villarino, secretario provincial e senador, arrouparon ó candidato do PSdeG-PSOE.
Durante a súa intervención, Carmen Dacosta incidiu no obxectivo de reindustrializar Galicia para frear a marcha dos mozos e mozas pola falla de emprego. Non faltaron tampouco as alusións en defensa da educación e a sanidade pública.