O Concello de Ourense activará desde o luns, 1 de xuño, cambios no servizo de autobuses urbanos que afectarán ás liñas 3 e 7, ademais da supresión da lanzadeira provisional do Pino.
A liña 7, “Cudeiro – A Valenzá”, volverá circular pola rúa de Alejandro Pedrosa e por Quintián tras rematar as obras de remodelación da vía no barrio do Vinteún.
A liña 7 recupera o paso por Alejandro Pedrosa
Pola súa banda, a liña 3, “Santa Cruz – O Cumial”, ampliará o percorrido ata o Hotel Auriense, onde se habilitará unha nova parada con conexión ao centro da cidade e á estación intermodal. Ademais, deixará de entrar en San Cibrao das Viñas e trasladarase a parada próxima ao Bar Mesón cara ao cruzamento coa rúa da Rabeda.
O Concello tamén suprimirá desde esta fin de semana a lanzadeira provisional do Pino por falta de usuarios. O servizo, habilitado hai nove días polas obras da estrada de Vigo, rexistrou unha media de dez viaxeiros, segundo o goberno municipal.
