A celebración da Carreira do Couto, integrada no circuíto “Correndo por Ourense”, provocará cortes e desvíos de tráfico este sábado pola noite en diferentes rúas da cidade.
Segundo informou a Policía Local, o primeiro peche realizarase ás 20:30 h na rúa Dalí, entre Remedios e Ervedelo.
A Carreira do Couto provocará cortes de tráfico este sábado
Ás 21:30 h pecharase o resto do percorrido, que inclúe Dalí, Ervedelo, Juan de Anges, Remedios e a rotonda cara a Antonio Puga. A carreira comezará ás 22:00 h.
Desde a mañá estará prohibido estacionar na parte superior da rúa Dalí e na parte inferior esquerda de Faustino Míguez, onde se instalarán as carpas da proba.
A Policía Local habilitará itinerarios alternativos para facilitar a circulación, con desvíos por Portocarreiro, Progreso, Pardo de Cela e Ponte Lebrona, entre outras vías. Ademais, parte da rúa Ervedelo manterá circulación de entrada á cidade, compartindo espazo cos corredores.
