Ourense activará un dispositivo especial de tráfico este venres, 17 de abril, polo paso da carreira ciclista “O Gran Camiño”, con cortes desde as 12:30 h ata o remate da proba.
O percorrido entrará desde Barbadás pola Avenida de Celanova e continuará por Marcelo Macías, Progreso, Praza de Concepción Arenal, Pardo de Cela e a N-120 cara a Monforte, afectando ás principais arterias da cidade.
Cortes de tráfico en Ourense polo paso de “O Gran Camiño”
A Policía Local recomenda evitar estas zonas, usar itinerarios alternativos e seguir a sinalización. O tráfico desviarase pola N-525 e vías como Ponte Sevilla, Avenida de Zamora ou a Ponte do Milenio, con restricións en rúa Coruña, Curros Enríquez e Sáenz Díez.
O Concello destaca ademais a reapertura de Pena Trevinca, que servirá como vía alternativa.
