A Coral-rondalla “Os Afiadores” e a Coral-rondalla “Alecrín” teñen o pracer de convidar a toda a veciñanza e visitantes ao Primeiro Festival de Primavera.
Este evento celebrase este domingo, 1 de xuño, ás 20:00 horas no emblemático Liceo de Ourense.
«Os Afiadores» e «Alecrín» celebran o Primeiro Festival de Primavera no Liceo de Ourense
O festival contará coa actuación das dúas agrupacións corais e unha sorpresa especial con dous artistas invitados, que garantirán unha velada chea de música e emoción.
Ademais, durante o evento realizarase un sorteo sorpresa entre todos os asistentes.
A entrada será libre ata completar aforo, polo que se recomenda acudir con antelación para gozar dunha noite única na cidade das Burgas.
