Martín Gómez Carreño e Jimena Abad, do Club Xadrez Ourense, foron recibidos no Concello tras proclamarse campións de España de xadrez 2026.
O alcalde de Ourense, Gonzalo Pérez Jácome, e o concelleiro de Deportes, Aníbal Pereira, recibiron no salón de plenos do Concello aos dous deportistas ourensáns, que acadaron o primeiro posto nos Campionatos de España disputados en Hoznayo (Cantabria) entre o 30 de agosto e o 4 de setembro.
Martín Gómez e Jimena Abad, campións de España de xadrez 2026
Martín Gómez proclamouse campión de España na categoría Sub2300, mentres que Jimena Abad conseguiu o título nacional na Sub1700. Ambos os dous representan ao Club Xadrez Ourense, e acudiron á recepción acompañados polo presidente da entidade, Elías González.
Durante o encontro, o alcalde e o concelleiro felicitaron aos dous xadrecistas polo seu éxito deportivo e desexáronlles sorte nos próximos retos da tempada.
