Miguel Ríos non poderá actuar finalmente nas Festas de Ourense 2026 despois de sufrir un pequeno accidente doméstico que lle provocou un leve traumatismo cranial.
O artista tiña previsto subir ao escenario este venres na cidade, pero deberá gardar repouso por recomendación médica.
Miguel Ríos cancela o seu concerto nas Festas de Ourense por un accidente doméstico
A noticia foi comunicada a través dun comunicado oficial do equipo do cantante, no que se explica que o incidente ocorreu este mércores. Segundo o parte médico, Miguel Ríos presenta unha evolución favorable, aínda que os facultativos recomendáronlle permanecer varios días en descanso, o que fai imposible a súa participación no concerto programado en Ourense.
No comunicado, a organización lamenta as molestias que esta situación poida ocasionar ao público e agradece “a comprensión, o cariño e o apoio” dos seguidores do artista. Ademais, indica que nos próximos días informarase, a través das canles oficiais, sobre a posible reprogramación das actuacións afectadas.
Pola súa banda, o cantante quixo trasladar persoalmente o seu agradecemento aos seus seguidores e manifestou o seu desexo de reencontrarse con eles canto antes.
Ante esta situación sobrevida, o Concello de Ourense anunciará nas vindeiras horas quen será o artista que substituirá a Miguel Ríos no concerto previsto para este venres dentro da programación festiva da cidade.