Natalia González Benéitez, portavoz do PSdeG-PSOE no concello de Ourense, pide propostas concretas ó alcalde, Pérez Jácome.
Esta petición xurde da última reunión da xunta de portavoces onde se trataron a supresión da ORA e a posible venta das accións do concello no COB.
Natalia González pide propostas concretas ó alcalde
Para Natalia González, as propostas do alcalde «están baseadas en castelos no aire sen ningún tipo de garantías para o desenvolvemento da cidade».
Sobre a supresión da ORA, González lembrou que «leva co PMUS no caixón dende fai 5 anos e quere sumir a cidade nun caos de tráfico e mobilidade sen coñecer tampouco o posible impacto económico que a supresión do servizo pode ter para as arcas públicas». Ó mesmo tempo, tamén destacou que a decisión de suprimir este servizo «é competencia do pleno».
En relación á proposta sobre o Club Ourense Baloncesto, desde o PSdeG-PSOE lembran que existe «un proceso xudicial aberto por parte do último inversor».
Rexeitan os socialistas as palabras do alcalde de Ourense nas que indicaba que non convocaría de novo a xunta de portavoces. «A política é consenso. E para facer cidade hai que ter proxecto, non arroutadas» indicou finalmente Natalia González.