Estanse a realizar obras de mellora na estrada de San Cristovo (Ribadavia) que permitirán mellorar o firme da calzada e as beirarrúas.
As obras de asfaltado inclúen unha capa de 5-10 cm que permita soportar o intenso tráfico que presenta esta estrada. As obras lévanse a cabo en dúas fases para que non se entorpezcan as tarefas de asfaltado e as obras das beirarrúas.
Obras de mellora na estrada de San Cristovo
Noelia Rodríguez Travieso, alcaldesa de Ribadavia, visitou estas obras para comprobar o estado das mesmas. A Axencia Galega de Infraestruturas é a responsable destes traballos que permitirán mellorar a estrada OU-504.
Tamén se están realizando melloras na N120 ó seu paso polo concello de Ribadavia. A sinalización, firme da estrada e o trazado son obxecto de traballos de mellora por parte do Ministerio de Infraestruturas.
